Fjórar breytingar á byrjunarliði U17 karla
U17 landslið karla leikur annan leik sinn á Opna Norðurlandamótinu í dag, en leikið er í Svíþjóð. Mótherjar dagsins eru Englendingar og hefst leikurinn kl. 16:00 að íslenskum tíma.
Fyrsta umferðin fór fram á mánudag og beið íslenska liðið þá lægri hlut gegn Norðmönnum, 1-4. Englendingar unnu hins vegar eins marks sigur í fyrstu umferð, gegn Finnum.
Luka Kostic, þjálfari íslenska liðsins, hefur tilkynnt byrjunarlið sitt fyrir leikinn í dag og gerir hann nokkrar breytingar frá leiknum á mánudag. Sigurður Egill Lárusson fékk að líta rauða spjaldið í fyrsta leiknum og er því í leikbanni í dag. Andri Fannar Freysson, Tómas Guðmundsson og Rúrik Andri Þorfinnsson byrja á bekknum. Í þeirra stað koma inn í byrjunarliðið þeir Sindri Snær Magnússon, Davíð Þór Ásbjörnsson, Alexander Kostic og Styrmir Árnason.
Byrjunarlið Íslands (4-3-3):
Markvörður: Árni Freyr Ásgeirsson
Hægri bakvörður: Sindri Snær Magnússon
Vinstri bakvörður: Guðmundur Þórarinsson
Miðverðir: Davíð Þór Ásbjörnsson og Brynjar Gauti Guðjónsson
Varnartengiliðir: Andri Rafn Yeoman - Brynjar Ásgeir Guðmundsson
Sóknartengiliður: Alexander Kostic
Hægri kantmaður: Styrmir Árnason
Vinstri kantmaður: Zlatko Krickic
Miðframherji: Ólafur Karl Finsen
