Leiktími ákveðinn á Frakkland-Ísland
Leiktími á viðureign Frakklands og Íslands í undankeppni EM kvenna hefur verið ákveðinn. Liðin mætast í lokaumferð riðilsins á Henri Desgrange vellinum í La Roche Sur Yon þann 27. september og hefur leiktíminn nú verið staðfestur kl. 14:00 að íslenskum tíma.
Völlurinn sem leikoð er á er nefndur eftir upphafsmanni Tour De France hjólreiðakeppninnar og er það vel merkjanlegt á vellinum. Keppnishjólreiðabraut umlykur leikvöllinn en hann tekur 7.000 áhorfendur, þar af 5.000 í sæti.
