Jafntefli í hörkuleik gegn Svíum hjá U19 karla
Strákarnir í U19 hófu leik í dag í undankeppni EM en leikið er í Makedóníu. Fyrsti leikurinn var við Svía og lauk honum með jafntefli, 3-3, eftir mikinn hörkuleik. Svíar leiddu í hálfleik, 2-1.
Það voru Svíar sem byrjuðu betur og komust yfir á 18. mínútu og bættu svo við öðru marki á 43. mínútu. Á lokamínútu fyrri hálfleiks náði Björn Bergmann Sigurðarson að minnka muninn og þannig stóð í hálfleik.
Íslenska liðið hóf seinni hálfleikinn af krafti og á 56. mínútu jafnaði Jóhann Berg Guðmundsson metin með marki úr vítaspyrnu. Þeir voru ekki hættir og á 82. mínútu kom Björn Bergmann Sigurðarson Íslendingum yfir með sínu öðru marki. Svíum tókst hinsvegar að jafna metin með marki á 89. mínútu og þar við sat. Ákveðin vonbrigði að fá jöfnunarmark á sig í lokin en mikill styrkur sem liðið sýndi með því að komast yfir eftir að hafa lent tveimur mörkum undir.
Íslendingar mæta Austurríki í öðrum leik sínum í riðlinum og fer sá leikur fram á mánduaginn kl. 12:00 að íslenskum tíma