Búningamál Serbanna komin á hreint
Eins og greint var frá hér á vefnum í gær lenti serbneska kvennalandsliðið í hremmingum á leið sinni til landsins, þar sem stór hluti farangurs liðsins skilaði sér ekki til landsins. Á meðal þess sem glataðist var keppnisbúningasett liðsins og takkaskór nokkurra leikmanns.
Þessi mál eru nú komin á hreint. Serbneska liðið leikur í æfingasettinu sínu, sem er reyndar ómerkt. Haft var samband við Henson, sem brást skjótt við og mun merkja búningana fyrir leikinn. Markmannsbúningur Serba verður þó fenginn að láni frá KSÍ.
Íslenska liðið mun því leika í alhvítum búningum í dag. Serbneska liðið verður í bláum treyjum, bláum buxum og rauðum sokkum.
