Þjóðverjar mæta Englendingum í úrslitum
Þjóðverjar lögðu Norðmenn í seinni undanúrslitaleik EM kvennalandsliða í Finnlandi á mánudag. Það verða því Englendingar og Þjóðverjar sem leika til úrslita á Ólympíuleikvanginum í Helsinki 10. september.
Norska liðið náði reyndar forystunni í undanúrslitaleiknum og hélt henni í hálfleik, en Þjóðverjar sýndu mátt sinn og meginn í síðari hálfleik, gerðu þrjú mörk og tryggðu sér sætið í úrslitaleiknum.
Þýskaland hefur unnið EM kvennalandsliða oftar en nokkuð annað land, eða 6 sinnum, og hefur jafnframt unnið mótið síðustu fjögur skipti sem það hefur verið haldið. Englendingar hafa hins vegar aldrei hampað Evrópumeistaratitlinum.
Úrslitaleikurinn verður í beinni útsendingu á RÚV.
