Góð stemmning á lokaæfingunni fyrir Georgíuleikinn
Það var góð stemmning á síðustu æfingu landsliðsins fyrir vináttulandsleikinn gegn Georgíu, en liðin mætast á Laugardalsvelli í kvöld, miðvikudagskvöld. Æft var á ÍR-velli, sem gengur sums staðar undir nafninu "Snóker-borðið".
Hópurinn er þó nokkuð breyttur frá því í síðustu viku, fyrir leikinn gegn Norðmönnum í undankeppni HM 2010. Miðasala er enn í fullum gangi á www.midi.is, en einnig verður hægt að kaupa miða við Laugardalsvöll í dag frá kl. 12:00.