Styrkleikalisti FIFA- Kvennalandsliðið áfram í 15. sæti
Á nýjum styrkleikalista kvenna, sem FIFA birti í morgun, er Ísland í 15. sæti og stendur í stað frá síðasta lista. Litlar breytingar eru á milli listanna. Bandaríkin sitja sem fastast í toppsætinu og Þjóðverjar þar á eftir en þessar þjóðir léku einmitt til úrsita á Algarve mótinu þar sem Bandaríkin höfðu betur.
Af mótherjum Íslands í úrslitakeppni EM kvenna eru Þjóðverjar, sem áður segir, í öðru sæti listans. Noregur er í ellefta sæti og Holland í 14. sæti, sætinu á undan Íslendingum.