UEFA Elite A Youth þjálfaranámskeið
.jpg)
Helgina 28. – 30. apríl hófst nýtt námskeið hjá KSÍ sem ber nafnið UEFA Elite A Youth. Hluti af EM-framlaginu sem félögin fengu haustið 2016 var skilyrt því að þau sendu þjálfara á námskeiðið. Markmið námskeiðsins er að bæta þjálfun efnilegustu leikmanna landsins á aldrinum 13-19 ára.
Á námskeiðinu eru yfirþjálfarar frá félögum í Pepsí- og 1. deild ásamt þjálfurum yngri landsliða Íslands. Stefnt er að því að halda námskeiðið fyrir þjálfara í félögum með barna- og unglingastarf í 2. deild, 3. deild og 4. deild í byrjun árs 2018. Eftir það mun námskeiðið verða opið öllum þjálfurum sem hafa KSÍ a þjálfaraskírteini.
.jpg?proc=760)
