• fös. 15. mar. 2019
  • Mótamál

Handbók leikja 2019 er komin út

Handbók leikja inniheldur ábendingar og leiðbeiningar til félaga um framkvæmd leikja. handbókin er ætluð öllum félögum við framkvæmd leikja í meistaraflokki karla og kvenna, en sérstaklega er þó tekið mið af leikjum í Pepsi Max deildum og Inkasso-deildum og aðalkeppni Mjólkurbikarsins.  Á fundi sínum fimmtudaginn 14. mars samþykkti stjórn KSÍ Handbók leikja 2019, sem er nú aðgengileg hér á vef KSÍ og hefur jafnframt verið send félögum í Pepsi Max deildum karla og kvenna og Inkasso-deildum karla og kvenna.

Í Handbók leikja er fjallað um ýmsa þætti sem snúa að umgjörð og framkvæmd leikja.  Á meðal efnis má nefna þátt samstarfsaðila og skyldur félaga við samstarfsaðila tiltekinna móta, ýmsa þætti sem snúa að leikvangi og umgjörð - aðstöðu og þjónustu við ýmsa aðila, öryggisþætti, starfsfólk heimaliðs, og vinnulag við skráningu úrslita og leikskýrslu.

Handbók leikja 2019