• fim. 18. apr. 2019
• Mótamál

Mót sumarsins - Staðfest niðurröðun yngri flokka

Mótanefnd KSÍ hefur staðfest niðurröðun leikja í yngri aldursflokkum og í keppni eldri flokks. Þar með hafa nánast allir leikir í mótum sumarsins verið staðfestir.

Eftir er að gefa út niðurröðun leikja í Polla- og Hnátumóti KSÍ og setja inn dagsetningar á nokkrum úrslitakeppnum yngri flokka.

Vinsamlegast hafið í huga að verulega miklar breytingar hafa verið gerðar undanfarna daga á niðurröðun leikja í sumum mótum vegna breyttra skráninga.

Mikilvægt er að forráðamenn félaga sjái til þess að öll eldri drög leikja verði tekin úr umferð til þess að forðast óþarfa misskilning.

Ákvörðun mótanefndar um breytingar leikja

Óheimilt er (nema í sérstökum neyðartilfellum) að fresta leikjum yngri flokka sem eru á dagskrá í maí, júní og júlí, aftur fyrir 1. ágúst.

Vinsamlegast kynnið ofangreinda ákvörðun meðal ykkar þjálfara.

• Mótamál