Leikskýrsluskráningar hjá KSÍ - hluti af vinnumarkaðsúrræði VMST
KSÍ auglýsir eftir starfsfólki í leikskýrsluskráningar (2 stöður). Um er að ræða tímabundið verkefni (frá 15. maí til 30. október 2021).
Verkefnið er skráning á leikskýrslum úr eldri mótum í gagnagrunn KSÍ (mót, leikir, úrslit, leikmenn, atvik leiks, o.þ.h.). Viðkomandi þurfa að hafa áhuga á sagnfræði knattspyrnunnar og góða þekkingu á knattspyrnuíþróttinni. Reynsla af tölvuvinnu er skilyrði.
Nánari upplýsingar veitir Klara Bjartmarz framkvæmdastjóri KSÍ (klara@ksi.is).
Umsóknum (ásamt sakavottorði) skal skilað með tölvupósti eigi síðar en 7. maí (klara@ksi.is).
ATH: Í stöðurnar verður ráðið af atvinnuleysisskrá en um starfstengt vinnumarkaðsúrræði er að ræða skv. 9. og 11. gr. reglugerðar 918/2020 um vinnumarkaðsúrræði.