Ný reglugerð um takmarkanir á samkomum
Með nýrri reglugerð heilbrigðisráðherra sem tekur gildi á miðnætti 15. september og gildir til og með 6. október nk. eru gerðar tilslakanir á samkomutakmörkunum.
Eftirfarandi eru helstu atriði er snerta íþróttahreyfinguna:
- Almennar fjöldatakmarkanir fara úr 200 í 500 manns.
- Leyfilegur fjöldi iðkenda á íþróttaæfingum og keppnum hjá börnum og fullorðnum fer úr 200 í 500 manns.
- Heimilt verður að hafa allt að 1.500 manns í hólfi í áhorfendastúkum að því gefnu að áhorfendur framvísi neikvæðri niðurstöðu úr hraðprófi (antigen) sem má ekki vera eldra en 48 klst.
- Þar sem hraðpróf eru ekki notuð er heimilt að hafa allt að 500 manns í hólfi.
- Viðhafa þarf 1 metra nálægðarreglu nema þegar gestir eru sitjandi.
- Skrá skal alla gesti með nafni, kennitölu og símanúmeri og á viðburðum innanhúss ber áhorfendum að vera með grímur nema þar sem búið er að sýna fram á neikvæða niðurstöðu úr hraðprófi.
.jpg?proc=760)
