2276. fundur stjórnar KSÍ - 3. mars 2022
2276. fundur stjórnar Knattspyrnusambands Íslands var haldinn fimmtudaginn 3. mars 2022 og hófst kl. 16:03.
Mættir stjórnarmenn: Vanda Sigurgeirsdóttir formaður, Borghildur Sigurðardóttir, Guðlaug Helga Sigurðardóttir, Helga Helgadóttir (tók sæti á fundi kl. 16:20), Ívar Ingimarsson, Pálmi Haraldsson, Sigfús Ásgeir Kárason og Unnar Stefán Sigurðsson.
Mættur á Teams: Torfi Rafn Halldórsson.
Mættir varamenn í stjórn: Halldór Breiðfjörð Jóhannsson, Kolbeinn Kristinsson (vék af fundi kl. 17:54) og Tinna Hrund Hlynsdóttir.
Mættur framkvæmdastjóri: Klara Bjartmarz sem ritaði fundargerð.
Forföll: Orri V. Hlöðversson.
Fundargögn:
- Fundargerð stjórnarfundar 2275
- Tillaga heilbrigðisnefndar KSÍ vegna leyfiskerfis KSÍ
- Afrit af erindi til ÍTF vegna mannvirkjamála
- Minnisblað vegna stefnumótunar KSÍ
1. Vanda Sigurgeirsdóttir formaður bauð stjórnarfólk velkomið á fyrsta fund starfsársins og ræddi m.a. um starfsreglur stjórnar, siðareglur KSÍ og fyrirkomulag stjórnarfunda.
2. Fundargerð 2275 var undirrituð. Samþykkt að taka upp rafrænar undirritanir fundargerða.
3. Dagskrárliður merktur 3 í dagskrá, fundargerðir nefnda og fluttar fréttir af vettvangi ÍTF, var felldur niður.
4. Ársþing KSÍ.
a. Stjórn bókaði þakkir til knattspyrnudeildar Hauka fyrir þeirra framlag við ársþing KSÍ 2022. Framkvæmd þingsins gekk vel. Undirbúningur og skipulag Hauka var fyrsta flokks. Öll aðstaða og þjónusta var eins og best verður á kosið og eiga Haukar og þeirra fólk mikið hrós skilið.
b. Rætt um ársþing 2023 en fyrir liggur bókun stjórnar KSÍ frá árinu 2019 um að stefnt skuli að því að ársþingið 2023 fari fram á Ísafirði. Klara Bjartmarz framkvæmdastjóri og Tinna Hrund Hlynsdóttir skoða málið á milli funda og leggja fram minnisblað á næsta stjórnarfundi.
5. Skipan í embætti og nefndir
a. Rætt um skipan í embætti, nefndir og starfshópa. Málið verður unnið á milli funda og lagt til afgreiðslu á næsta fundi stjórnar.
6. Lög og reglugerðarbreytingar.
a. Þingsályktunartillögum frá ársþingi komið í farveg:
- Þingskjal 8: Tillaga til ályktunar - Efsta deild karla: Vísað til LLR
- Þingskjal 9: Tillaga til ályktunar - Efsta deild kvenna: Vísað til LLR
- Þingskjal 10: Tillaga til ályktunar - 1. deild karla: Vísað til LLR
- Þingskjal 11: Tillaga til ályktunar - Neðri deildir karla: Vísað til LLR
- Þingskjal 12: Tillaga til ályktunar – Bikarkeppni neðri deilda karla: Vísað til LLR
- Þingskjal 13: Tillaga til ályktunar – Varalið í keppni meistaraflokks kvenna: Vísað til starfshóps
b. Umræðu um tillögu frá heilbrigðisnefnd KSÍ til stjórnar KSÍ að nýrri forskrift vegna læknisskoðunar leikmanna mfl. sem gerð er krafa um í efstu deild karla og efstu deild kvenna í leyfisreglugerð KSÍ var frestað. Málið verður tekið til afgreiðslu á næsta fundi.
7. Mannvirkjamál
a. Umræðu um dagskrárlið 7a, umfjöllun um atriði er lúta að reglugerð um knattspyrnuleikvanga um ljósstyrk flóðlýsinga var frestað til næsta fundar.
8. Landsliðsmál
a. Formaður KSÍ, Vanda Sigurgeirsdóttir, upplýsti stjórn hvað er efst á baugi í landsliðsmálum.
9. Önnur mál
a. Framkvæmdastjóri KSÍ, Klara Bjartmarz, upplýsti stjórn um þá vinnu sem er í gangi með UEFA við stefnumótun KSÍ.
b. Rætt um að halda þakkarhóf fyrir þá sjálfboðaliða sem eru m.a. að láta af störfum í stjórn, nefndum, starfshópum og dómstólum.
c. Næstu stjórnarfundir voru staðfestir:
- 24. mars
- 5. apríl (óstaðfest)
- 26. apríl
- 19. maí
- 9. júní
Fleira var ekki bókað og var fundi slitið kl. 18:30.