U17 karla - glæsilegur sigur gegn Armeníu
U17 karla vann 7-1 sigur gegn Armeníu í síðasta leik liðsins í fyrstu umferð undankeppni EM 2024.
Thomas Ari Arnarsson skoraði þrennu, Daniel Ingi Jóhannesson tvö og Tómas Johannessen og Gunnar Orri Olsen skoruðu báðir eitt mark.
Á sama tíma gerðu Sviss og Írland markalaust jafntefli svo Ísland endar í þriðja sæti riðilsins, en þau fimm lið sem verða með bestan árangur í þriðja sæti riðlanna komast áfram. Það kemur því í ljós á næstu vikum hvort Ísland nælir sér í sæti í milliriðlum undankeppninnar.
