Ólöglegur leikmaður í úrslitaleik Reykjavíkurmóts mfl. karla
KR tefldi fram ólöglegum leikmanni í úrslitaleik Reykjavíkurmóts meistaraflokks karla, sem fram fór á fimmtudagskvöld. Úrslitum leiksins hefur verið breytt í 3-0 Víkingi í vil.
Úr ábendingum sem sendar voru til þátttakenda í Reykjavíkurmóti meistaraflokks:
Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út. Viðkomandi félög verða sektuð samkvæmt reglugerð KSÍ um Deildarbikarkeppni.
Samkvæmt reglum KSÍ um Deildarbikarkeppni segir í grein 10.1:
Lið, sem mætir ólöglega skipað til leiks, skal sæta sekt að upphæð kr. 30.000 og að auki kr. 30.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000.
Neðangreindur leikmaður lék ólöglegur með KR:
- Reykjavíkurmót mfl karla úrslitaleikur.
- Leikur: Víkingur R – KR
- Dagsetning: 1. febrúar 2024
- Nafn leikmanns: Alex Þór Hauksson spilar með KR. Skráður í: "Erlendis"
Í samræmi við ofangreinda reglugerð er KR sektað um kr. 60.000 kr -. Úrslitum leiksins er breytt í 3 – 0 Víkingi í vil.
