Kristinn dæmir í Evrópudeildinni á fimmtudag
Kristinn Jakobsson og félagar verða á fullri ferð á fimmtudaginn þegar þeir verða að störfum á leik Toulouse frá Frakklandi og Partizan Belgrad frá Serbíu en leikurinn er í J riðli í Evrópudeild UEFA.
Kristinn mun dæma leikinn og aðstoðardómarar verða þeir Sigurður Óli Þorleifsson og Ólafur Ingvar Guðfinnsson. Fjórði dómari verður Jóhannes Valgeirsson. Eins og í öllum leikjum í Evrópudeildinni þá er "fimm dómara kerfi" við lýði í þessum leik. Aukaaðstoðardómarar í leiknum verða þeir Magnús Þórisson og Þorvaldur Árnason og eru þeir staðsettir við sitthvort markið.
