Heimsóknir dómara til aðildarfélaga
Aðildarfélögum KSÍ stendur til boða að fá starfandi dómara úr Pepsi-deild karla í heimsókn til að fjalla um hinar ýmsu hliðar dómgæslunnar. Heimsóknin er félögunum að kostnaðarlausu
Markmiðið með þessum heimsóknum er að kynna dómarastarfið fyrir leikmönnum, þjálfurum, foreldrum og forráðamönnum félaga þannig að auka megi virðingu fyrir starfi dómara.
Ofangreindar heimsóknir fara fram á tímabilinu 15. febrúar – 1. apríl. Félög sem hafa áhuga á því að fá til sín dómara í heimsókn eru beðin um að setja sig í samband við Magnús Má Jónsson, dómarastjóra, magnus@ksi.is.
