A kvenna - Vináttulandsleikur gegn Svíum 6. apríl
Knattspyrnusambönd Íslands og Svíþjóðar hafa komist að samkomulagi um að kvennalandslið þjóðanna leiki vináttulandsleik ytra 6. apríl næstkomandi. Leikið verður í Växjö en á þeim velli mun íslenska liðið leika tvo af þremur leikjum sínum í riðlakeppni úrslitakeppni EM í sumar.
Ísland og Svíþjóð hafa mæst ellefu sinnum hjá A landsliðum kvenna og hefur íslenska liðið einungis farið með sigur af hólmi, einu sinni hefur orðið jafntefli en Svíar hafa haft yfirhöndina níu sinnum. Eini sigurleikur Íslendinga kom á Algarvemótinu árið 2011.
Þá eru ráðgerðir sjö leikir hjá íslenska liðinu fyrir úrslitakeppnina í sumar. Fjórir leikir verða leiknir á Algarvemótinu í mars, þar sem Svíar verða einnig á meðal mótherjanna, ásamt því að leikið verður við Dani og Skota í júní. Fyrsti leikur Íslands í úrslitakeppninni er svo gegn Noregi, 11. júlí.
.jpg?proc=760)
