Inkasso deild karla og kvenna til næstu þriggja ára
Inkasso og KSÍ hafa gert með sér nýjan samstarfssamning til þriggja ára vegna 1. deildar karla og kvenna í knattspyrnu. Samkomulagið gildir til ársloka 2020 og felur í sér að Inkasso-deildirnar verða tvær, kvenna og karla.
Þetta er ánægjulegur samningur fyrir alla aðila og er markmið Inkasso að standa vörð um kynjajafnrétti, að auka velferð knattspyrnunnar í Inkasso-deildinni og hvetja stuðningsmenn að mæta á völlinn. Svona samstarf er nauðsynlegt til að hjálpa félögunum að bæta sýnileika sinna liða og gerir mótið meira spennandi.
Inkasso og KSÍ horfa til framtíðar og óska öllum liðum Inkasso-deildarinnar góðrar baráttu á keppnistímabilinu sem nú er að hefjast.
.png?proc=760){kind=logo}
.png?proc=760){kind=logo}
