Fundargerð Mótanefndar - 20. september 2018
Fundur Mótanefndar 20. september 2018 kl. 11:30 á skrifstofu KSÍ
Fundarmenn í síma: Vignir Már Þormóðsson formaður, Ingvar Guðjónsson, Sveinbjörn Másson, Björn Friðþjófsson, Þórarinn Gunnarsson og Jóhann Steinar Ingimundarson.
Einnig sat fundinn Birkir Sveinsson
Fundargerð ritaði: Birkir Sveinsson
Eftirfarandi var rætt
- Ekki mætt til leiks. Huginn – Völsungur
Leikurinn Huginn – Völsungur sem var á dagskrá miðvikudaginn 19. september kl. 16.30 á Fellavelli.
Samkvæmt skýrslu dómarans í leiknum mætti Huginn ekki til leiks.
Farið yfir atburðarásina og gögnin í þessu máli frá því áfrýjunardómstóllinn hvað upp sinn dóm um að leikur skyldi ógildur og endurtekinn og fram að því að leikur fór ekki fram.
Gögn málsins:
17/9 Tilkynning KSÍ um endurtekinn leik.
17/9 Fyrirspurn Hugins um viðurlög og óleikhæfan leikvöll.
18/9 Svar framkvæmdastjóra við fyrirspurn Hugins.
19/9 Tilkynning Hugins um óleikhæfan leikvöll m/myndum.
19/9 Tilkynning KSÍ um breytingu á leikvelli.
19/9 Skýrsla dómara um málsatvik.
Einnig afrit af þátttökutilkynningu Hugins um að Fellavöllur sé heimavöllur tvö.
Farið yfir ákvæði reglugerðarinnar sem eiga við í þessu máli, einna helst gr. 8.1, 38.6, og gr. 39.
Niðurstaða:
Huginn mætti ekki til leiks í leiknum Huginn – Völsungur miðvikudaginn 19. september kl. 16.30 á Fellavelli, án gildra ástæðna.
Huginn telst því hafa tapað leiknum 0-3 skv. ákvæði 39.1 í reglugerð KSÍ um knattspyrnumót.
Fleira ekki rætt.
