U19 kvenna - Ísland mætir Kasakstan á laugardag
U19 ára landslið kvenna mætir Kasakstan á laugardag í öðrum leik sínum í undankeppni EM 2020.
Leikurinn fer fram á Würth vellinum og hefst kl. 14:00. Hægt verður að horfa á leikinn í beinni útsendingu á www.sporttv.is.
Stelpurnar unnu frábæran 6-0 sigur gegn Grikkjum í fyrsta leik á meðan Kasakstan tapaði 0-14 gegn Spáni. Á sama tíma og stelpurnar mæta Kasakstan leika Spánn og Grikkland á Víkingsvelli.
Sigur í leiknum tryggir Íslandi sæti í milliriðlum undankeppni EM 2020.
Við hvetjum fólk til að fjölmenna á völlinn og styðja stelpurnar til sigurs!
.jpg?proc=760)
