.JPG?proc=1152)
U21 karla - Ísland mætir Rússlandi á fimmtudag
Ísland hefur leik á EM 2021 á fimmtudag þegar U21 karla mætir Rússlandi.
Leikurinn fer fram á Gyirmóti Stadion í Györ og hefst hann kl. 17:00. Bein útsending verður frá leiknum á RÚV.
Frakkland og Danmörk eru hin tvö liðin í riðlinum, en þau mætast einnig á fimmtudag. Sá leikur hefst kl. 20:00. Ísland mætir svo Danmörku á sunnudag og endar á leik gegn Frakklandi á miðvikudag.
Allir leikir liðsins fara fram hér í Györ á Gyirmóti Stadion og verður liðið allan tímann staðsett í borginni.
Ísland og Rússland hafa mæst fjórum sinnum í þessum aldursflokki, en þó ekki síðan árið 1999, og hafa Rússar unnið alla leikina til þessa.
.JPG?proc=760)
