Uppselt á Ísland - Portúgal
Uppselt er á leik Íslands gegn Portúgal í undankeppni EM 2024 sem fram fer á Laugardalsvelli 20. júní. Miðasala hófst í dag, þriðjudag, klukkan 12:00.
Laugardalsvöllur tekur 9.700 manns í sæti og má því búast við miklum stuðningi þegar Portúgal kemur í heimsókn.
Þann 17. júní tekur Ísland á móti Slóvakíu og enn eru lausir miðar á þann leik. Miðasala á leikinn gegn Slóvakíu er í fullum gangi á tix.is.
Åge Hareide kynnti í dag sinn fyrsta landsliðshóp sem mun spila þessa tvo leiki. Hópinn má sjá hér.