Dregið í 2. umferð Meistaradeildar kvenna á föstudag
Dregið verður í 2. umferð Meistaradeildar kvenna á föstudag. Drátturinn hefst klukkan 11:00 að íslenskum tíma og hægt verður að fylgjast með beinu streymi á heimasíðu UEFA. Valur er í pottinum að þessu sinni.
Í 2. umferð keppninnar þarf að vinna tvo leiki, heima og að heiman, við sama lið til að komast í riðlakeppnina. Leikirnir fara fram 10. eða 11. október og 18. eða 19. október.
Liðunum sem spila í 2. umferð er skipt í tvo hópa sem UEFA kallar "Champions Path" og "League Path". Í "Champions Path" eru þau lið sem tryggðu sér sæti í keppninni með því að verða meistarar í sínu landi á síðasta tímabili. Í "League Path" eru þau lið sem tryggðu sér sæti í keppninni með því að lenda í öðru eða þriðja sæti í sínu heimalandi.
Valur er í "Champions Path" og getur dregist á móti eftirtöldum liðum.
SK Slavia Praha - Tékkland
FC Rosengård - Svíþjóð
SKN St. Pölten Frauen - Austurríki
Glasgow City FC - Skotland
SL Benfica - Portúgal
FC Zürich - Sviss
AS Roma - Ítalía
Slavia Praha, Rosengård og Roma sátu hjá í fyrstu umferð. Barcelona, Lyon, Bayern München og Chelsea eru einu liðin sem sitja hjá bæði í 1. og 2. umferð og fara beint inn í riðlakeppnina.
.jpg?proc=760)
