Skylmingamiðstöðin vígð í Laugardalnum
Um helgina var Skylmingamiðstöðin opnuð formlega við hátíðlega athöfn að viðstöddu fjölmenni. Skylmingamiðstöðin er undir stúkubyggingu Laugardalsvallar sem áður hýsti innanhússaðstöðu fyrir frjálsíþróttamenn.
Skylmingasambandið hefur því fengið nýja og glæsilega aðstöðu í Laugardalnum sem væntanlega mun verða íþróttinni mikil lyftistöng. Margt góðra gesta heiðraði Skylmingasambandið með nærveru sinni og fékk sambandið margar góðar gjafir við þetta tilefni.
