Knattþrautir KSÍ - Síðustu félögin heimsótt
Haustið er handan við hornið með sínum föllnu og fölu laufum og það þýðir að knattþrautir KSÍ fara að renna sitt skeið á enda þetta sumarið. Einar Lars Jónsson hefur heimsótt iðkendur í 5. flokki með knattþrautir KSÍ og hafa viðtökur verið með eindæmum góðar.
Þessa dagana er Einar Lars að heimsækja síðustu félögin en krakkarnir hafa verið einkar áhugasöm í heimsóknum hans og munu án ef halda áfram æfingum í vetur. Hér að neðan má sjá nokkrar myndir frá heimsóknum Einars og þar má sjá iðkendur frá Breiðabliki, Víkingi Reykjavík, Val og KS.
