Málþing um íþróttadómara miðvikudaginn 21. mars
ÍSÍ, KSÍ, HSÍ, KKÍ og BLÍ boða til málþings um íþróttadómara og þeirra mikilvægu störf í tengslum við íþróttirnar. Fulltrúar sérsambandanna munu fjalla um stöðu mála og framtíðarhorfur. Málþingið er öllum opið, endurgjaldslaust á meðan húsrúm leyfir. Það verður haldið í E-sal Íþróttamiðstöðvarinnar í Laugardal kl. 17.00-20.00 Allir sem áhuga hafa á þessum málum eru hvattir til að mæta, fræðast um stöðuna og leggja jafnvel orð í belg um málefnið.
- Hvernig geta íþróttagreinar unnið betur saman í dómaramálum?
- Hver er áhrifamáttur og ábyrgð þjálfara og fjölmiðla?
- Hvernig fjölgum við dómurum og höldum þeim í starfi?
- Yfrir hvaða eiginleikum þarf íþróttadómari að búa yfir?
- Hvernig fjölgum við konum í dómarastétt?
Þessum spurningum verður reynt að svara á málþinginu, m.a. í vinnuhópum þar sem allir hafa möguleika á þátttöku.
Niðurstöður hópavinnunnar verða birtar eftir að hópavinnu lýkur.
Forystumenn þessa málaflokks hjá ofangreindum sérsamböndum verða í panel í lok málþingsins.
Skráning er í síma 514-4000 eða á linda@isi.is Í boði verður kaffi og léttar veitingar.
Allar frekari uppl. gefur sviðsstjóri Þróunar- og fræðslusviðs ÍSÍ í síma 460-1467 eða á vidar@isi.is
