Þorvaldur og Jóhann Gunnar dæma í Belgíu
Dómararnir Þorvaldur Árnason og Jóhann Gunnar Guðmundsson eru þessa dagana við störf í Belgíu þar sem riðill í undankeppni EM U19 karla fer fram. Þeir voru við störf á leik Kasakstan og Belgíu í fyrstu umferð og Þorvaldur dæmdi og Jóhann Gunnar var aðstoðardómari á leik Rússland og Kasakstan í 2. umferð riðilsins.
Þeir verða svo að störfum á morgun í lokaumferðinni þegar Finnland og Ksakstan mætast. Baráttan í riðlinum er hörð en Belgía og Rússland eru með fjögur stig, Finnar erum með tvö stig og Kasakar ekkert. Tvær efstu þjóðirnar tryggja sér sæti í milliriðlum.