A karla - Ísland mætir Norður Makedóníu á sunnudag
Mynd - fotbolti.net - Hafliði Breiðfjörð
Ísland og Norður Makedónía mætast á sunnudag í undankeppni HM 2022.
Leikurinn fer fram á Laugardalsvelli og hefst hann kl. 16:00. Það er enn hægt að næla sér í miða á leikinn, en miðasala á hann fer fram á tix.is. Hlekk á hana má finna hér að neðan.
Ísland tapaði fyrsta leik sínum í þessari þriggja leikja hrinu á fimmtudaginn þegar liðið mætti Rúmeníu á Laugardalsvelli. Á sama tíma gerði Norður Makedónía markalaust jafntefli gegn Armeníu. Norður Makedónía er í þriðja sæti riðilsins með sjö stig á meðan Ísland er í fimmta sæti með þrjú stig. Það er því ljóst að um gríðarlega mikilvægan leik er að ræða fyrir bæði lið.
