Fleiri miðar í boði á leikinn gegn Þýskalandi
Eftir góða reynslu af framkvæmd sóttvarnarreglna í leikjunum gegn Rúmeníu og Norður-Makedóníu er ljóst að svigrúm er til að fjölga sóttvarnarhólfum fyrir leik A landsliðs karla við Þýskaland, en liðin mætast í undankeppni HM 2022 á Laugardalsvelli miðvikudaginn 8. september kl. 18:45.
KSÍ hefur því tekið ákvörðun um að opna að nýju miðasölu kl. 12:00 mánudaginn 6. september. Hægt verður að nálgast miðana á Tix.is.
Mynd: Hafliði Breiðfjörð, Fótbolti.net
