Þóroddur Hjaltalín ráðinn til KSÍ
KSÍ hefur ráðið Þórodd Hjaltalín til starfa á innanlandssvið á skrifstofu KSÍ, tímabundið í 6 mánuði. Á meðal verkefna má nefna stefnumótun í dómaramálum, fræðslu- og útbreiðslustarf og fjölgun dómara og þar á meðal sérátak í fjölgun kvenkyns dómara, auk annarra verkefna.
Þóroddur, sem mun hafa vinnuaðstöðu í húsakynnum ÍSÍ á Akureyri, á að baki langan feril sem knattspyrnudómari og eftirlitsmaður, á innlendum jafnt sem alþjóðlegum vettvangi, auk þess að hafa setið í stjórn KSÍ og gegnt formennsku í dómaranefnd.
