Markalaust jafntefli á Möltu
U19 liða karla gerðu markalaust jafntefli gegn Grikklandi, Ísland endaði þar með í þriðja sæti riðilsins og er á heimleið.
Íslenska liðið var mun sterkara í fyrri hálfleik og fór leikurinn mest megnis fram á varnarhelming Grikkja. Íslenska liðið sótti hart og á 36. mínútu fór boltinn í netið en markið var dæmt af vegna rangstöðu.
Íslenska liðið byrjaði seinni hálfleik líka mjög sterkt enda staðráðið í að landa sigrinum, Eggert fékk langa sendingu inn í teig og setti boltann aftur í netið en að þessu sinni var markið dæmt hendi á Ísland og markið dæmt af.
Noregur og Spánn gerðu markalaust jafntefli sem tryggði Noregi annað sæti riðilsins og þar með sæti í undanúrslit, Ísland endaði í þriðja sæti B-riðils.
Það stóð upp úr á mótinu hvað stuðningur við liðið var góður.
