U19 karla - Ísland mætir Danmörku á miðvikudag
U19 ára landslið karla mætir Danmörku á miðvikudag í fyrsta leik liðsins í fyrstu umferð undankeppni EM 2024.
Leikurinn hefst kl. 14:00, en riðillinn er leikinn í Frakklandi. Ísland mætir þar einnig Frakklandi og Eistlandi.
Leikirnir verða sýndir í beinni útsendingu hjá franska knattspyrnusambandinu og verða hlekkir á leikina birtir á miðlum KSÍ þegar þeir berast.
Tvö efstu lið riðilsins komast áfram í milliriðla ásamt því liði í þriðja sæti síns riðils með bestan árangur.
