mán. 06. jún. 2005
Landslið

Úrslitakeppni EM kvennalandsliða á Englandi

Evrópukeppni kvennalandsliða — women_euro

Úrslitakeppni EM kvennalandsliða, sem fram fer á Englandi, hófst á sunnudag með tveimur leikjum. Opnunarleikur mótsins var viðureign Svía og Dana í Blackpool, en síðar um daginn mættust gestgjafarnir Finnum á City of Manchester Stadium.

Englendingar lögðu Finna með þremur mörkum gegn tveimur í hörkuleik á City of Manchester Stadium. Áhorfendamet var sett á leiknum, en tæplega 30.000 manns mættu til að fylgjast með og er það mesti áhorfendafjöldi á knattspyrnuleik kvenna í Evrópu frá upphafi.

Allar upplýsingar um keppnina má finna á uefa.com, eða með því að smella hér.

Þess má geta að RÚV mun sýna fimm af leikjunum í keppninni.