Hannes í A-landsliðshópinn gegn Möltu
Hannes Sigurðsson hefur verið kallaður í A-landsliðshópinn fyrir leikinn gegn Möltu í undankeppni HM 2006 á Laugardalsvelli á miðvikudag. Hannes kemur í stað Gylfa Einarssonar, sem meiddist í leiknum gegn Ungverjum á laugardag.
Hannes Lék með U21 landsliðinu gegn Möltu á KR-vellinum í kvöld og var óheppinn að ná ekki að skora. Hann hefur þegar leikið einn A-landsleik, var í byrjunarliðinu í vináttulandsleiknum gegn Ítalíu í mars og þótti standa sig með prýði.
.jpg?proc=760)
