Úrtaksæfingar U16 karla 21. og 22. janúar
Alls hafa 35 leikmenn verið boðaðir til úrtaksæfinga fyrir U16 landslið karla, sem fram fara í Boganum á Akureyri 21. og 22. janúar næstkomandi.
Um er að ræða leikmenn fædda 1991 og síðar frá félögum á Norður- og Austurlandi.
Akureyrarliðin Þór og KA eiga flesta fulltrúa í æfingahópnum, en sjö leikmenn koma frá hvoru liði.
Freyr Sverrisson er þjálfari U16 landsliðs karla, en eins og greint hefur verið frá var Freyr endurráðinn þjálfari liðsins fyrr í vikunni.
.jpg?proc=760)
