Sótti vinnufund UEFA fyrir formenn leyfisnefnda
Lúðvík S. Georgsson, formaður leyfisráðs KSÍ, sótti á dögunum vinnufund hjá UEFA, þar sem m.a. fjallað var um leyfisveitingaferlið í ýmsum löndum í Evrópu og mál kynnt þar sem leyfisumsóknum var synjað.
Vinnufundurinn var sérhannaður fyrir formenn leyfisnefnda í aðildarlöndum UEFA, þ.e. fyrir formann leyfisráðs og formann leyfisdóms, en uppbygging leyfiskerfanna er að grunni til nákvæmlega eins í öllum löndunum, enda mjög stífar kröfur af hendi UEFA um samræmi milli landa.
Nú stendur yfir fimmta leyfisferlið á Íslandi, en flest lönd ganga nú í gegnum sitt fjórða ferli. Á þessum tíma hafa komið upp þó nokkur dæmi víðs vegar í Evrópu þar sem þátttökuleyfum í efstu deildum hefur verið synjað af leyfisnefndum viðkomandi knattspyrnusambands, m.a. í Svíþjóð, Ungverjalandi, Austurríki, Belgíu, Rúmeníu og Grikklandi.
.jpg?proc=760)
