Seinni fundur leyfisráðs í dag
Seinni fundur leyfisráðs í leyfisferlinu fyrir keppnistímabilið 2010 fer fram í dag, þriðjudag, og verða þá teknar fyrir umsóknir 8 félaga. Á fyrri fundi ráðsins, fyrir viku síðan, var 16 félögum veitt þáttökuleyfi. Sex félögum var gefinn vikufrestur til að ganga frá útistandandi atriðum og afgreiðslu tveggja félaga var frestað um viku á meðan mannvirkjamál voru skoðuð. Á fundinum þriðjudaginn 16. mars var 7 félögum í Pepsi-deild veitt þátttökuleyfi, og 9 félögum í 1. deild.
Ákveðið var að gefa félögum með ókláruð atriði viku frest til að klára sín mál. Þessi félög eru eftirtalin: Fjölnir, Þróttur R., Selfoss, ÍBV, Breiðablik og Haukar.
Afgreiðslu leyfisumsókna nokkurra félaga var frestað um viku á meðan mannvirkjamál voru skoðuð nánar. Rétt er að fram komi að ekki var gerð athugasemd við leyfisgögn þessara félaga. Þessi félög eru eftirtalin: Fjarðabyggð og Keflavík.
Selfoss var reyndar í báðum hópunum, þ.e. félaginu var gefinn vikufrestur til að ganga frá útistandandi atriðum og jafnframt voru mannvirkjamálin skoðuð nánar.
Fundurinn í dag er kl. 16:00 og að honum loknum verður tilkynnt um ákvarðandi leyfisráðs.
Ákvörðunum leyfisráðs er hægt að áfrýja til leyfisdóms innan 7 daga frá því að leyfisumsækjanda er birt ákvörðun leyfisráðs samkvæmt eftirfarandi.
1 Leyfisdómur tekur lokaákvörðun varðandi leyfi til handa leyfisumsækjanda.
2 Ekki er hægt að kæra ákvörðun leyfisdóms til almennra dómstóla.
3 Leyfisdómur skal starfa eftir settum lögum og reglugerðum Knattspyrnusambands Íslands og almennum réttarreglum.
.jpg?proc=760)
