Skiladagur fjárhagsgagna liðinn
Lokaskiladagur fjárhagslegra leyfisgagna var mánudaginn 21. febrúar. Allir leyfisumsækjendur héldu sig innan tímamarka. Reyndar voru gögn fimm félaga póstlögð á mánudag, en sýni póststimpillinn 21. febrúar eru tímamörk uppfyllt.
Á meðal þeirra ganga sem félögin skila nú eru endurskoðaðir ársreikningar, staðfestingar á engum vanskilum við leikmenn og þjálfara, auk ýmissa annarra staðfestinga á fjárhagslegum þáttum og yfirlýsinga tengdum þeim.
Leyfisstjórn mun fara yfir gögnin í vikunni, gera viðeigandi athugasemdir þar sem við á, og vinna með viðkomandi félögum að úrbótum.
.jpg?proc=760)
