U16 kvenna - Naumt tap gegn Finnum
Stelpurnar í U16 léku sinn fyrsta leik í dag á Opna Norðurlandamótinu sem fram fer í Noregi. Mótherjarnir voru frá Finnlandi og höfðu þær finnsku betur, 0 - 1, og kom markið í fyrri hálfleik.
Finnska liðið byrjaði leikinn betur og áttu m.a. stangarskot áður en þær komust yfir á 24. mínútu. Íslenska liðið fékk þó sín tækifæri einnig í fyrri hálfleiknum en í þeim síðari höfðu þær undirtökin í leiknum en náðu ekki að skora þetta jöfnunarmark.
Næsti leikur liðsins á mótinu er strax á morgun, þriðjudag, en þá verður leikið við Svía. Sænska liðið vann Frakka í hinum leik riðilsins í dag, 1 - 0, en leikurinn á morgun hefst kl. 13:00 að íslenskum tíma.
.jpg?proc=760)
