Byrjunarlið A karla gegn Belgum
Þjálfarar A landsliðs karla, Heimir Hallgrímsson og Lars Lagerbäck, hafa opinberað byrjunarlið sitt fyrir vináttuleikinn gegn Belgum í Brüssel í kvöld, miðvikudagskvöld. Nokkuð er um breytingar frá mótsleikjunum þremur sem liðið hefur leikið í undankeppni EM 2016 og er því um að ræða kjörið tækifæri fyrir leikmenn til að láta ljós sitt skína.
Stillt er upp í leikaðferðina 4-4-2 sem fyrr. Aðeins tveir leikmenn sem hafa byrjað alla leikina í undankeppni EM byrja í kvöld, fyrirliðinn Aron Einar Gunnarsson og miðvörðurinn Ragnar Sigurðsson. Hörður Björgvin Magnússon, sem leikur með Cesena á Ítalíu, leikur sinn fyrsta A-landsleik. Framherjaparið er ekki af verri endanum - markahæsti leikmaður hollensku úrvalsdeildarinnar frá síðasta tímabili og markakóngur norsku deildarinnar í ár.
Byrjunarlið Íslands (4-4-2)
Markvörður
Ögmundur Kristinsson
Hægri bakvörður
Birkir Már Sævarsson
Vinstri bakvörður
Hörður Björgvin Magnússon
Miðverðir
Hallgrímur Jónasson og Ragnar Sigurðsson
Hægri kantmaður
Rúrik Gíslason
Vinstri kantmaður
Jóhann Berg Guðmundsson
Tengiliðir
Aron Einar Gunnarsson (fyrirliði) og Helgi Valur Daníelsson
Framherjar
Alfreð Finnbogason og Viðar Örn Kjartansson