Allra síðasti séns á að kaupa DOTTIR miða á EM 2022
Úrslitakeppni EM A landsliða kvenna fer fram á Englandi sumarið 2022 og eins og kunnugt er verður Ísland á meðal þátttökuþjóða. Þetta er í fjórða sinn í röð sem íslenska liðið kemst í úrslitakeppni EM (Finnland 2009, Svíþjóð 2013, Holland 2017, England 2022). Miðasala á keppnina í Englandi fer fram í gegnum miðasöluvef UEFA.
Allra síðustu DOTTIR miðarnir koma í sölu á miðasöluvef UEFA 16. mars
Miðasala í stuðningsmannahólf þátttökuliðanna hófst síðastliðið haust í glugga sem stóð frá lokum október og inn í miðjan nóvember. Þar fengu stuðningsmenn Íslands tækifæri til að kaupa svokallaða DOTTIR miða - í stuðningsmannahólf íslenska liðsins. DOTTIR miðar á fyrstu tvo leikina - gegn Belgíu og Ítalíu í Manchester - seldust fljótt upp. Í nóvember var síðan 100 DOTTIR miðum á leikina bætt í sölu, og aftur seldust þeir hratt upp.
Nú hefur UEFA upplýst KSÍ um að fleiri DOTTIR miðar verði lausir í sölu til stuðningsmanna Íslands, miðar sem losna af ýmsum ástæðum í lokaundirbúningi og skipulagi mótsins. Um er að ræða 200-300 DOTTIR miða á hvern og einn af leikjunum þremur í riðlakeppninni, og getur hver kaupandi keypt allt að 10 miðum á hvern leik.
Sala á þessum DOTTIR miðum opnar á miðasöluvef UEFA miðvikudaginn 16. mars kl. 10:00 og lokar föstudaginn 18. mars kl. 10:00.
Lokagluggi almennrar miðasölu opnar síðan á miðasöluvef UEFA 28. mars og rétt er að geta þess að enn eru almennir miðar lausir á síðasta leik íslenska liðsins í riðlinum, gegn Frakklandi í Rotherham.
Hér að neðan má sjá leiðbeiningar um hvernig DOTTIR miðar eru keyptir. Fyrsta skrefið er að búa til notendaaðgang að miðasöluvef UEFA - fylgið síðan leiðbeiningunum hér að neðan.
Kaupa DOTTIR miða á leiki Íslands á EM 2022 (opnar 16. mars kl. 10:00)
Leið 1:
- Smellið á þennan hlekk til að hefja ferlið og innskrá.
- Næsta síða: Sláið inn kóðann DOTTIR í svæðið "Access code" niðri hægra megin á síðunni (birtist ekki fyrr en kl. 10:00 þann 16. mars).
- Næsta síða: Á þessari síðu kaupið þið DOTTIR miða á leikinn.
Leið 2 (ef þú lendir í vandræðum með leið 1):
- Smellið á þennan hlekk til að hefja ferlið og innskrá.
- Næsta síða: Smellið á notandanafnið ykkar efst hægra megin á síðunni (ekki slá inn kóða á þessari síðu, heldur á þeirri næstu).
- Næsta síða: Sláið inn kóðann DOTTIR í svæðið "Access code" niðri hægra megin á síðunni (birtist ekki fyrr en kl. 10:00 þann 16. mars).
- Næsta síða: Á þessari síðu kaupið þið DOTTIR miða á leikinn.
Öll miðasala á keppnina fer í gegnum UEFA og á vef UEFA er að finna svör við algengum spurningum. Vinsamlegast athugið að KSÍ hefur enga leið til að aðstoða við miðakaupin.
Áfram Ísland!
.JPG?proc=760)
.jpg?proc=760)