Miðasölu á EM lýkur 26. apríl
Evrópumeistaramót kvenna fer fram á Englandi í sumar og verður Ísland á meðal þátttökuþjóða. Nú fer hver að verða síðastur að tryggja sér miða á leikina. Miðasalan fer fram á vef UEFA og stendur hún til 26. apríl.
Ísland verður í D-riðli ásamt Frakklandi, Belgíu og Ítalíu. Fyrsti leikur Íslands verður gegn Belgíu þann 10. júlí á Etihad Academy Stadium í Manchester.
Uppselt er á tvo fyrstu leiki Íslands. Hægt er að nálgast miða á þriðja og síðasta leik liðsins í riðlakeppninni gegn Frakklandi þann 18. júlí á New York Stadium í Rotherham.
Öll miðasala á keppnina er í gegnum UEFA og á vef UEFA er að finna svör við algengum spurningum. Vinsamlegast athugið að KSÍ hefur enga leið til að aðstoða við miðakaupin.
Fyrirspurnir til UEFA um miðasöluna
.JPG?proc=760)
.jpg?proc=760)