Unglingadómaranámskeið - nýtt fyrirkomulag
Þann 9. mars n.k. hefst unglingadómaranámskeið sem verður með nýju sniði, en námið verður að mestu leyti heimanám. Þátttakendur fá gögn send í tölvupósti, en þeir þátttakendur sem ekki eru tölvutengdir fá námsefnið sent í ?venjulegum? pósti. Námsefni verður sent til þátttakenda í þrennu lagi og lýkur svo með prófi þann 31. mars. Prófið sjálft verður ekki þreytt í gegnum netið, heldur verða prófstaðir víðsvegar um landið, í Reykjavík, á Akureyri og á Egilsstöðum (og víðar ef þörf krefur). Námskeiðið er fyrir alla sem verða 16 ára á almanaksárinu (fædd 1985) og eldri og er þátttökugjald kr. 3.000. Hægt er að skrá sig með tölvupósti eða í síma 510-2900 fyrir 8. mars n.k.
Nokkuð hefur verið hringt og spurt hvaða réttindi unglingadómarapróf veitir. Upplýsingar um það má sjá með því að skoða reglugerð KSÍ um knattspyrnudómara.
.jpg?proc=760)
