Farið yfir ýmis mál tengd Covid-19
Á fundi stjórnar KSÍ 30. apríl síðastliðinn var farið yfir ýmis mál tengd Covid-19.
- Guðni Bergsson formaður KSÍ fór yfir aðgerðir stjórnvalda og þau úrræði sem standa aðildarfélögum mögulega til boða.
- Borghildur Sigurðardóttir formaður fjárhags- og eftirlitsnefndar greindi frá fundi nefndarinnar 29. apríl þar sem m.a. var fjallað um erindi ÍTF sem lagt var fyrir síðasta stjórnarfund.
- Klara Bjartmarz framkvæmdastjóri fór yfir UEFA og FIFA styrki og hvernig þeim fjármunum hefur verið ráðstafað til næstu ára.
- Valgeir Sigurðsson formaður mótanefndar greindi frá vinnu við niðurröðun móta. Fjölmargir fundir hjá starfshópum mótanefndar hafa farið fram síðustu daga og verða áfram á næstunni. Enn eru nokkrar áskoranir við niðurröðun en stefnt að því að birta öll mót fljótlega.
- Verið er að vinna pakka með tilmælum og leiðbeiningum til félaga varðandi þau atriði sem þarf að taka tillit til við framkvæmd leikja í meistaraflokki vegna Covid-19.
Allar fréttir og greinar sem KSÍ hefur birt varðandi Covid-19 eru aðgengilegar á sama stað í gegnum hnapp sem er efst á ksi.is - "Knattspyrnuhreyfingin og Covid-19".
Mynd með grein: Hafliði Breiðfjörð, Fótbolti.net.
.jpg?proc=760)
