Undanúrslit í bikar á hlutlausum flóðlýstum völlum
Á fundi stjórnar KSÍ 3. september síðastliðinn var m.a. fjallað um undanúrslitaleiki í Mjólkurbikarkeppni KSÍ. Mótanefnd KSÍ telur nauðsynlegt að leika undanúrslitin í ár á hlutlausum völlum þar sem eru flóðljós og hefur verið fundað með fulltrúum ÍTF um málilð. Að öðrum kosti getur þurft að leika um hádegisbil á virkum degi. Mótanefndin lagði til að samþykkt yrði bráðabirgðaákvæði í reglugerð sem heimilar þessa breytingu. Tillagan var samþykkt og vísaði stjórn KSÍ henni til laga- og leikreglnanefnd til úrvinnslu.
