A kvenna - Ísland mætir Portúgal eða Belgíu í umspili
Í dag, föstudag, var dregið í umspili fyrir HM kvenna sem fram fer í Ástralíu og Nýja Sjálandi næsta sumar.
Eftir tap gegn Hollandi í síðasta leik undankeppninnar var ljóst að Ísland myndi sitja hjá í fyrri umferð umspilsins. Ísland dróst á móti sigurvegara úr viðureign Portúgals og Belgíu en sá leikur fer fram 6. október. Leikurinn fer fram annað hvort í Portúgal eða Belgíu þann 11. október.
Með sigri í venjulegum leiktíma eða í framlengingu tryggir Ísland sér sæti á HM 2023.
