Breiðablik mætir FC Kaupmannahöfn á miðvikudag
Mynd: Hulda Margrét
Breiðablik spilar síðari leik í 2. umferð í forkeppni Meistaradeildar Evrópu við FC Kaupmannahöfn miðvikudaginn 2. ágúst klukkan 18:00. Leikurinn fer fram á Parken í Kaupmannahöfn og verður í beinni útsendingu á Stöð 2 Sport.
Fyrri viðureign liðanna endaði með 0-2 sigri FC Kaupmannahafnar.
Ljóst er að sigurliðið úr einvíginu mætir Spörtu frá Prag í næstu umferð keppninnar. Liðið sem tapar einvíginu færist yfir í 3. umferð í forkeppni Sambandsdeildar Evrópu og mun það lið mæta annað hvort HSK Zrinjski frá Bosníu eða Slovan Bratislava frá Slóvakíu.
.png?proc=760){kind=logo}
