Brottfall efnilegs knattspyrnufólks úr íþróttinni
Þriðjudaginn 13. febrúar klukkan 12:00 býður KSÍ upp á súpufund á 3. hæð í húsnæði ÍSÍ í Laugardalnum. Fyrirlesari er Ragnheiður Lóa Stefánsdóttir, sjúkraþjálfari og íþróttafræðingur.
Ragnheiður mun kynna niðurstöður meistararannsóknar um brottfall efnilegs knattspyrnufólks úr íþróttinni, hvað veldur og hvar við gætum gripið inn í.
Ragnheiður Lóa hefur mikinn áhuga á íþróttum og heilsu ungmenna. Hún starfar hjá Verkjalausnum, er sjúkraþjálfari landsliðshópa í blaki og hefur verið sjúkraþjálfari meistaraflokks kvenna hjá HK síðastliðin þrjú tímabil.
Frítt er á fyrirlesturinn og súpa verður í boði.
Fyrirlesturinn veitir öllum þjálfurum sem eru með KSÍ/UEFA þjálfaragráður, 2 endurmenntunarstig ef þeir eru viðstaddir. Fyrirlesturinn verður tekinn upp og hægt er að fá hann sendan að honum loknum.
Möguleiki er að fá 2 endurmenntunarstig ef fólk horfir á fyrirlesturinn og svarar tveimur léttum spurningum úr fyrirlestrinum í tölvupósti á arnarbill@ksi.is.
.jpg?proc=760)
