Eimskip styrkir knattspyrnu æskunnar

Eimskip og KSÍ undirrituðu í gær tveggja ára samstarfssamning og verður Eimskip einn af aðalsamstarfsaðilum KSÍ. Íslandsmótin í 4. flokki kvenna og 5. flokki karla munu heita Eimskipsmót, en hátt í 3000 börn frá um 50 liðum víðs vegar um landið munu taka þátt í mótunum. Einnig verður Eimskip sérstakur stuðningsaðili yngri landsliða Íslands, karla og kvenna.

Á myndinni hér til hliðar má sjá þá Eggert Magnússon, formann KSÍ, Hafstein A. Hafsteinsson, skipstjóra á Brúarfossi, og Guðmund Þorbjörnsson, framkvæmdastjóra sölu- og markaðssviðs hjá Eimskipum.